Ndërmarrësi nga Tetova zbulon jetën në Kinë: Kultura jonë ngjason shumë me atë kineze
Kadir Ismaili, ndërmarrës i ri nga Tetova, flet për aktivitetin e tij biznesor në Kinë, sfidat e importit të mallrave, kostot e jetës atje dhe ngjashmëritë kulturore mes shqiptarëve dhe kinezëve në emisionin PodGo.
Ndërmarrësi i ri nga Tetova Kadir Ismaili flet për suksesin në Kinë
Një histori frymëzuese vjen nga Tetova, ku ndërmarrësi i ri Kadir Ismaili ka themeluar kompani në Kinë, Hong Kong dhe Maqedoni për të ndihmuar bizneset lokale të importojnë mallra kineze me çmime konkurruese.
Në emisionin PodGo të Telegrafi Maqedoni, Ismaili shpjegoi procesin e tij: "Unë ofroj minimalizimin e problemeve. Ndihmoj bizneset për sjelljen e produkteve nga Kina. Kemi magazinat tona në Kinë, i kontrollojmë cilësinë, pastaj i dërgojmë në Selanik ose Durrës deri te dera e klientit."
“Koha nga pagesa deri në arritjen e dërgesës shkon deri në 50 ditë. Çmimi i një kontejneri ishte 2000 dollarë, tani ka arritur 4200 dollarë.”
Ai theksoi rritjen e kostove të transportit, të cilat përditësohen çdo 15 ditë për shkak të situatës globale.
Kostot e jetës në Kinë: Fatura e energjisë më pak se 3 euro
Ismaili zbuloi se jeta në Kinë është mjaft e favorshme ekonomikisht. Për një banesë 80 metra katrorë, fatura e fundit e energjisë elektrike ishte më pak se 3 euro. Veturat jo-elektrike fillojnë nga 6 mijë euro, ndërsa ato elektrike nga 8 mijë euro.
"Kultura jonë ngjason shumë me atë të kinezëve", tha ai, duke ndarë histori interesante nga përvojat personale me popullsin vendas.
Një urë lidhëse mes Maqedonisë së Veriut dhe Kinës
Me kompani në tre vende, Ismaili synon të minimizojë vështirësitë për bizneset maqedonase, duke siguruar çmime konkurruese dhe kontroll cilësie. Kjo histori nxjerr në pah potencialin e sipërmarrjes shqiptare në tregjet globale.