Nesër shënohet 27-vjetori i Masakrës së Reçakut: Ja programi i plotë i aktiviteteve përkujtimore

Kosova nesër shënon 27-vjetorin e Masakrës së Reçakut, tragedinë e 15 janarit 1999 kur forcat serbe masakruan 45 civilë shqiptarë në fshatin Reçak të Komunës së Shtimes. Kjo ngjarje historike tërhoqi vëmendjen ndërkombëtare dhe kontribuoi në ndërhyrjen e NATO-s për çlirimin e Kosovës.

Aktivitetet përkujtimore organizohen nën patronatin e institucioneve më të larta të shtetit: Presidentja Vjosa Osmani, kryetari i Kuvendit Dimal Basha, kryeministri Albin Kurti, kryetari i Komunës së Shtimes Dr. Qemajl Aliu dhe Shoqatat e Dalura nga Lufta.

Programi i detajuar i aktiviteteve:

• 09:00 – Homazhe nga niveli komunal në varrezat e dëshmorëve në Shtime, Mollopolc dhe Reçak;
• 10:30 – Homazhe nga krerët e shtetit në Kompleksin Memorial në Reçak;
• 12:00 – Akademi përkujtimore në Shtëpinë e Kulturës, Shtime;
• 13:00 – Ekspozitë tradicionale “Çmimi William Walker 2026” në Shtëpinë e Kulturës, Shtime;
• 15:00 – Finalja në futboll të vogël e Turneut Memorial “Ditët e Reçakut” në fushën sportive “Arbëri”, Reçak.

Për mësimin e gjeneratave të reja, nxënësit në të gjitha shkollat e Kosovës do të zhvillojnë orën e parë mësimore kushtuar Masakrës së Reçakut.

Kjo ditë përkujtimore rikujton dhimbjen e shokuar të kombit shqiptar dhe rëndësinë e kujtesës historike për të ardhmen e Kosovës sovrane.