Nga lufta e Kosovës te dështimi në Serie A dhe rilindja në La Liga: Elogji italiane për Vedat Muriqin

Vedat Muriqi është futbollisti i momentit te Mallorca. Ylli kosovar shkëlqeu me het-trik ndaj Athletic Bilbaos, duke siguruar fitoren 3-2 në La Liga dhe duke u bërë golashënuesi i dytë më i mirë në historinë e klubit me 46 gola.

Një nga gazetarët më të mirë italianë, Gianluca Di Marzio, ka shkruar një artikull të paharrueshëm për prizrenasin: "Nga lufta e Kosovës te shkëlqimi në Turqi, dështimi në Serie A dhe rilindja në La Liga me fanellën e Mallorcës."

“Rilindja e Vedat Muriqit te Mallorca: golashënuesi i dytë më i mirë në historinë e klubit me 46 gola”

Me 14 gola në kampionat, Muriqi po thyen rekorde. Në Itali etiketohej si i ngadalë, por në Spanjë është i pamëshirshëm në zonë. Aventura te Lazio nuk funksionoi (vetëm 2 gola në 2 vjet), por te Mallorca për 13 milionë euro gjeti rilindjen.

Muriqi u rrit nën hijen e luftës në Kosovë. Në moshën 6-vjeçare u largua nga Prizreni: "Na morën sendet me vlerë... flinim në bodrum." Megjithatë, ëndrra për t'u bërë futbollist nuk shua. Filloi te Liria Prizren, kaloi në Shqipëri dhe Turqi (Fenerbahçe), para La Ligës.

““Na morën sendet me vlerë dhe paratë. Na thanë se do ta bombardonin shtëpinë nëse nuk largoheshim brenda dy orësh. Na mbrojti Zoti.””

Het-trik i tij ndaj Bilbaos (i pari që nga 2008) i kushtua babait të tij të ndjerë: "Sikur të ishte gjallë, sot do ta festonte ditëlindjen." Muriqi ëndërron Botërorin me Kosovën, ku është golashënuesi historik me 32 gola.

Qoftë me Mallorcën apo Kosovën, Muriqi nuk ndalon së ëndërruari. /Përkthyer nga shkrimi i Gianluca Di Marzio/