Përditësim: Bisedimet trepalëshe Ukrainë-Rusi-SHBA në Abu Dhabi për fundin e luftës, diskutohen territoret

Bisedimet e para trepalëshe mbi luftën midis Rusisë, Ukrainës dhe SHBA-së kanë filluar në Abu Dhabi, sipas njoftimit të Emirateve të Bashkuara Arabe.

"Bisedimet filluan sot në Abu Dhabi dhe janë planifikuar të vazhdojnë gjatë dy ditëve, si pjesë e përpjekjeve të vazhdueshme për të nxitur dialogun dhe për të identifikuar zgjidhje politike për krizën", tha ministri i jashtëm i Emirateve të Bashkuara Arabe.

Takimi ka nisur në formë joformale, ndërsa negociatat formale pritet të fillojnë më vonë në mbrëmje. Këto janë bisedimet e para të drejtpërdrejta trepalëshe për paqen në Ukrainë që nga shpërthimi i luftës.

Nga Kievi marrin pjesë kryenegociatori Rustem Umerov dhe shefi i kabinetit të Zelenskyt, Kyrylo Budanov. Moska përfaqësohet nga admiral Igor Kostyukov i Ministrisë së Mbrojtjes ruse. SHBA-ja dërgon Jared Kushner-in, Steve Witkoff-in dhe Josh Gruenbaum-in.

Çështjet territoriale në tryezë

Presidenti ukrainas Volodymyr Zelensky konfirmoi se çështjet territoriale do të diskutohet. Rusia kërkon që Ukraina të heqë dorë nga rreth 20% e territorit të Donetskut që ende kontrollon.

Zelensky ka refuzuar heqjen dorë nga territoret e mbrojtura me kosto të lartë nga Ukraina.

/Telegrafi/