Kosova në Bordin e Paqes: Osmani beson në udhëheqjen e Trump-it për paqe globale

Presidentja e Kosovës, Vjosa Osmani, ka deklaruar mbështetjen e plotë të vendit tonë për nismën e Bordit të Paqes, një iniciativë të nisur nga Presidenti amerikan Donald Trump. Ajo foli para mediave ndërkombëtare pas nënshkrimit të Kartës së këtij bordi, në prani të Trump-it dhe bashkëthemeluesve të tjerë.

Osmani theksoi se Kosova vjen nga një përvojë e dhimbshme lufte dhe paqja e sotme është rezultat i mbështetjes ndërkombëtare, kryesisht nga SHBA-ja.

“Duke ardhur nga Republika e Kosovës, një vend i shkatërruar nga lufta, dhe që sot jeton në paqe falë udhëheqjes amerikane, jemi thellësisht mirënjohës dhe krenarë që qëndrojmë krah Presidentit Trump në këtë nismë të re.”

Ajo shprehu besim të plotë në udhëheqjen e Trump-it: "Besoj fuqishëm në lidershipin e presidentit Trump dhe ekipit të tij. Kjo është për të shpëtuar jetë". Osmani përmendi se gjenerata e saj u rrit si fëmijë lufte.

Kosova ka mbi 20 vjet përvojë në ndërtimin dhe ruajtjen e paqes, duke u cilësuar si një shembull ndriçues për praktikat më të mira globale.

“Kosova është një nga ato shembujt ndriçues që mund të ofrojë praktikat më të mira për ndërtimin dhe ruajtjen e paqes.”

Presidentja kritikoi procedurat komplekse të OKB-së dhe theksoi se Bordi i Paqes ofron një qasje më të drejtpërdrejtë, pa synim zëvendësimin e OKB-së, por bashkëpunim me të.

Burimi: Telegrafi

Artikulli i përditësuar me detaje të reja nga deklarata e plotë e presidentes Osmanit.