“Pa ujë, pa energji elektrike”, portieri i Benficës flet për luftën në Ukrainë pas golit ndaj Real Madrid

Benfica realizoi një mrekulli sportive të mërkurën kur mundi Real Madrid me rezultat 4-2 në duel të vlefshëm për Ligën e Kampionëve. Portieri ukrainas, Anatoliy Trubin, u bë hero i papritur duke shënuar golin e katërt me një goditje të bukur me kokë në minutat e fundit të takimit.

Ky ishte një nga momentet më të pazakonta të sezonit në garën më të fortë klubistike evropiane. Goli i Trubin-it nuk solli vetëm fitoren, por edhe emocionoi miliona shikues.

Pas ziles përfundimtare, një gazetar e pyeti portierin për sfidat personale në kontekstin e luftës në Ukrainë.

““Ke kaluar shumë në jetën tënde në vitet e fundit. Më trego si është të jesh në vendin tënd tani?””

““Është pak e vështirë. Ne e dimë që ka një luftë në vendin tonë, Ukrainë. Familja ime është atje, unë jam gjithmonë në kontakt me ta. Nuk ka ujë, nuk ka energji elektrike. Unë e kuptoj që duhet të përballoj gjithçka dhe të vazhdoj të punoj fort.””

Fjalët e Trubin-it nxorën në pah forcën mendore të sportistëve ukrainas që vazhdojnë të shkëlqejnë në arenën ndërkombëtare pavarësisht tragjedisë kombëtare.

Foto nga Telegrafi