Papa Francesku bën thirrje për paqe në Ukrainë dhe në të gjitha rajonet e shkatërruara nga lufta

Papa Francesku fton për lutje intensive për paqe

Papa Francesku ka dalë sërish me një thirrje të fuqishme për të dhënë fund luftës në Ukrainë dhe ka përsëritur ftesën për lutje për paqe në të gjithë rajonet e prekura nga konfliktet.

Ai i është drejtuar besimtarëve duke theksuar nevojën për të falur për paqe në Ukrainë, Lindjen e Mesme dhe zona të tjera ku popullsit po i vuan pasojat e luftërave.

“Edhe në këto ditë, Ukraina vazhdon të goditet nga sulme të pamëshirshme, duke lënë popullsi të tëra të ekspozuara ndaj të ftohtit të dimrit. E ndjek me hidhërim atë që po ndodh, jam pranë atyre që vuajnë dhe lutem për ta.”

Papa ka vënë në dukje se konflikti i zgjatur po shkakton pasoja serioze për civilët, po zgjeron përçarjen midis popujve dhe po e largon një paqe të drejtë dhe të qëndrueshme.

Kjo thirrje vjen në një moment kur ndërmjetësuesit ukrainas dhe rusë kanë zhvilluar bisedime në Abu Dhabi dhe thuhet se kanë rënë dakord për një raund të dytë bisedimesh të drejtpërdrejta, të ndërmjetësuara nga SHBA, fundjavën e ardhshme, pavarësisht sulmeve të vazhdueshme në Ukrainë.

“Le të lutemi për paqen: në Ukrainë, në Lindjen e Mesme dhe në çdo rajon ku njerëzit luftojnë për interesa që nuk janë ato të popujve të tyre. Paqja ndërtohet nëpërmjet respektit për njerëzit.”

Mesazhi i Papës nënvizon rolin e lutjes dhe dialogut në ndërtimin e paqes së vërtetë.