Pejë: Policia vendos shirita në rrugën Eliot Engell pas tentativës për grabitje të një lokali

Pas trazirave të fundit në Podujevë, qetësia është prishur edhe në qytetin e Pejës. Policia e Kosovës ka vendosur shirita mbrojtës në rrugën "Eliot Engell" për të izoluar zonën e ngjarjes.

Sipas informacioneve të sigurta, disa persona me maska kanë tentuar të grabisin një lokal në këtë rrugë. Forcat e policisë kanë mbërritur shpejt në vend dhe po kryejnë hetimet për kapjen e autorëve.

Ky incident ndodh në vazhdimësi të ngjarjeve të ngjashme në Podujevë, duke rritur shqetësimet për sigurinë publike në Kosovë. Policia ka kërkuar nga qytetarët bashkëpunim për çdo informacion të dobishëm.

Lajmi është në përditësim të vazhdueshëm. Digjital do të sjellë zhvillimet e reja sapo të disponohen.