PËRDITËSIM: Përfundon raundi i parë i bisedimeve trepalëshe SHBA-Ukrainë-Rusi në Abu Dabi, vazhdojnë nesër
Raundi i parë i negociatave direkte midis Ukrainës, Rusisë dhe SHBA-së ka përfunduar në Abu Dabi. Presidenti Zelensky konfirmon vazhdojen nesër me fokus çështjet territoriale si Donbasi, ndërsa negociatori ukrainas Umerov thekson kushtet për fundin e luftës.
PËRDITËSIM: Përfundon raundi i parë i bisedimeve trepalëshe SHBA-Ukrainë-Rusi në Abu Dabi, vazhdojnë nesër
Raundi i parë i bisedimeve të drejtpërdrejta midis Ukrainës, Rusisë dhe Shteteve të Bashkuara ka përfunduar sot në mbrëmje në Abu Dabi, kryeqytetin e Emirateve të Bashkuara Arabe.
Përpara përfundimit, presidenti ukrainas Volodymyr Zelensky njoftoi se negociatat e ardhshme janë caktuar për nesër. Ai theksoi se diskutimet do të përqendrohen kryesisht në çështjet territoriale.
“Është shumë herët për të nxjerrë përfundime mbi përmbajtjen e negociatave sot. Do të shohim se si do të shkojnë bisedimet nesër dhe cilat do të jenë rezultatet.”
Negociatori kryesor i Ukrainës, Rustem Umerov, deklaroi se takimi iu kushtua kushteve për t’i dhënë fund luftës ruse, por nuk dha detaje të mëtejshme.
“Shpresoj që bisedimet tripalëshe do të kontribuojnë në hapa të prekshëm për t’i dhënë fund krizës prej gati katër vitesh.”
Media shtetërore ruse raportuan se negociatat u mbajtën me dyer të mbyllura. Në thelb të diskutimeve është kushti rus për tërheqjen e forcave ukrainase nga pjesa e Donbasit ende nën kontrollin e Kievit, një zonë në Ukrainën lindore që përfshin provincat e Donetskut dhe Luhanskut.
Këto bisedime shënojnë një hap të rëndësishëm drejt mundësisë së një zgjidhjeje për konfliktin e zgjatur prej pothuajse katër vitesh. Vazhdimi nesër mund të sjellë zhvillime të reja në tryezën e negociatave.