Përparim Rama pezullon tre zyrtarë të Komunës së Prishtinës pas arrestimit të tyre: "Zero tolerancë ndaj korrupsionit"

Kryetari i Komunës së Prishtinës, Përparim Rama, ka njoftuar pezullimin e menjëhershëm nga puna të tre zyrtarëve komunalë pas arrestimit të tyre nga organet e rendit. Ky vendim reflekton përkushtimin e plotë të institucionit ndaj ligjshmërisë dhe transparencës.

Vendimi vjen pas arrestimit të tyre për dyshime në keqpërdorim të pozitës zyrtare. Zyrtarët e pezulluar janë Dukagjin Gashi, Bashkim Sadiku dhe Afrim Gashi. Pezullimi do të mbetet në fuqi deri në përfundimin e plotë të procedurave hetimore dhe gjyqësore.

“Sot kam marrë vendim për pezullimin nga puna të tre zyrtarëve komunalë, pas arrestimit të tyre. Pezullimi nga puna do të jetë në fuqi deri në përfundimin e procedurave hetimore dhe gjyqësore, ndërkohë që ne ritheksojmë përkushtimin për ligjshmëri, transparencë dhe zero tolerancë ndaj korrupsionit. Institucioni i Kryeqytetit do të bashkëpunojë plotësisht me organet e drejtësisë dhe do të ndërmarrë të gjitha veprimet e nevojshme administrative në përputhje me ligjin. Ne mbetemi të përkushtuar që shërbimet publike të ushtrohen me integritet dhe përgjegjësi në shërbim të qytetarëve. Askush mbi ligjin!”

Rama ka garantuar bashkëpunim të plotë me organet e drejtësisë për zbardhjen e plotë të rastit, duke theksuar se nuk ka tolerancë ndaj korrupsionit në administratën komunale.