Përplasje tragjike trenave në Spanjë: Të paktën 39 të vdekur dhe 12 në kujdes intensiv
Një aksident i rëndë hekurudhor ka tronditur Spanjën, ku dy trena u përplasën duke lënë të paktën 39 viktima dhe dhjetëra të lënduar. Autoritetet po punojnë për evakuimin e pasagjerëve.
Përplasje tragjike trenave në Spanjë: Të paktën 39 të vdekur dhe 12 në kujdes intensiv
Të paktën 39 persona kanë humbur jetën dhe 12 të tjerë po trajtohen në kujdes intensiv pas një përplasjeje të rëndë mes dy trenave në jug të Spanjës. Kryeministri spanjoll Pedro Sánchez e ka cilësuar ngjarjen si " një natë dhimbjeje të madhe për vendin tonë".
Sipas autoriteteve, një tren me shpejtësi të lartë i kompanisë private Iryo, që udhëtonte nga Malaga drejt Madridit, doli nga shinat rreth orës 19:40 pranë fshatit Adamuz në provincën e Kordobës. Ai kaloi në shinën e kundërt dhe u përplas me një tren tjetër të kompanisë shtetërore Renfe.
Treni i Renfe-s gjithashtu doli nga shinat dhe ra në një argjinaturë. Rreth 300 pasagjerë ndodheshin në bord të trenit të Iryo-s në momentin e aksidentit.
“Një natë dhimbjeje të thellë për vendin”
https://twitter.com/i/status/2012984358412431571
— Twitter (@twitter) November 3, 2024
Guardia Civile, zjarrfikësit dhe shërbimet e emergjencës po punojnë pa pushim për të nxjerrë pasagjerët nga mbetjet e trenave. Një ekip i përbashkët reagimi emergjent është formuar për të menaxhuar situatën.
Të hënën në mëngjes, shërbimet e emergjencës në Andaluzi raportuan se 122 persona kishin marrë trajtim mjekësor, ndërsa 48 vazhdojnë të jenë të hospitalizuar, përfshirë 12 në kujdes intensiv.
Ngjarja ka shkaktuar tronditje të mëdha në Spanjë dhe autoritetet po hetojnë shkaqet e aksidentit. Hetimi pritet të zbardhë rrethanat e saktë të kësaj tragjedie.