Policia në Mitrovicë Veri ndalon një automjet me mall të kontrabanduar

Në kuadër të detyrave të rregullta policore, më datë 25 janar 2026, rreth orës 15:20, zyrtarët e Stacionit Policor Mitrovicë Veri kanë ndaluar për kontroll një automjet me targa vendore në rrugën “Knjaz Milosh”.

Gjatë kontrollit, policia ka zbuluar një sasi pantallonash, për të cilat drejtuesi i automjetit, i identifikuar si E.G., nuk ka mundur të paraqesë dokumentacionin e nevojshëm mbi origjinën dhe posedimin ligjor të mallit.

Autoritetet policore kanë vepruar sipas procedurave ligjore dhe kanë proceduar rastin për trajtim të mëtejshëm në Doganën e Kosovës.

“Policia e Kosovës vazhdon angazhimin e saj në parandalimin dhe luftimin e kontrabandës dhe fton qytetarët që të bashkëpunojnë duke raportuar çdo veprim të dyshimtë në numrin 192 ose në stacionin më të afërt policor.”

Policia garanton veprime të shpejta dhe zbatim strikt të ligjit ndaj të gjithë atyre që tentojnë të shkelin ligjin.

Policia e Kosovës do të vazhdojë me kontrolle të rregullta në funksion të ruajtjes së rendit dhe ligjit, si dhe sigurisë së të gjithë qytetarëve pa dallim.