Poligoni “Reload” mohon aksionin policor: S’ka asgjë tek ne, nuk kemi asgjë për të deklaruar
Poligoni i qitjes “Reload” ka mohuar raportimet për aksion policor në objektin e tij, duke thënë se nuk ka asgjë për të deklaruar. Prokuroria Themelore e Prishtinës konfirmon hetim ndaj katër personave për keqpërdorim të pozitës zyrtare dhe marrje ryshfeti.
Poligoni i qitjes “Reload” ka mohuar kategorikisht raportimet për një aksion policor në objektin e tij. Sipas përfaqësuesve të poligonit, informacionet e publikuara janë të pavërteta.
Sinjali ka kontaktuar me përfaqësuesit e poligonit, të cilët kanë deklaruar: “Edhe ne po i dëgjojmë lajmet prej portaleve, s’ka asgjë tek ne, nuk kemi asgjë për të deklaruar.”
“Edhe ne po i dëgjojmë lajmet prej portaleve, s’ka asgjë tek ne, nuk kemi asgjë për të deklaruar.”
Nga ana tjetër, Prokuroria Themelore e Prishtinës, në bashkëpunim me Policinë e Kosovës, ka zhvilluar një aksion hetimor. Lajmi është konfirmuar nga zëdhënësja e Prokurorisë, Kaltrina Shala.
Sipas saj, aksioni po zhvillohet ndaj katër personave, prej të cilëve dy dyshohen për keqpërdorim të pozitës zyrtare, ndërsa dy të tjerë për marrje ryshfeti.
“Për informacione të tjera do t’ju njoftojmë me kohë.”
Hetimi vazhdon dhe pritet më shumë detaje në vijim.