PËRDITËSIM: Presidentja Osmani nënshkruan anëtarësimin e Kosovës në “Bordin e Paqes”, bisedë me Trump-in për paqen globale

Presidentja e Republikës, Vjosa Osmani, ka nënshkruar zyrtarisht anëtarësimin e Kosovës në "Bordin e Paqes", një iniciativë ndërkombëtare e nisur nga presidenti i Shteteve të Bashkuara, Donald Trump. Ky moment u regjistrua gjatë ceremonisë në Davos.

Gjatë përgatitjeve për nënshkrimin, presidentja Osmani dhe presidenti Trump zhvilluan një bisedë të shkurtër, duke theksuar rëndësinë e bashkëpunimit dhe dialogut për ruajtjen e paqes dhe stabilitetit global.

Në ceremoninë solemne në Davos, Trump ka festuar themelimin e Bordit duke nënshkruar me përfaqësues nga Bahreini dhe Maroku, duke e sjellë në fuqi plotësisht iniciativën.

“Çdo vend, pothuajse çdo vend, dëshiron të jetë pjesë e saj. Dhe ne i dërguam letrat disa ditë më parë, dhe këto janë vetëm vendet që janë këtu. Rastësisht janë në Davos.”

Kosova është mes vendeve anëtare, duke u bashkuar me Argjentinën, Turqinë etj. Ky hap shënon një zhvillim të rëndësishëm për Kosovën në promovimin e paqes globale.

Vendet anëtare

• Argjentina
• Armenia
• Azerbajxhani
• Bahreini
• Bjellorusia
• Egjipti
• Hungaria
• Indonezia
• Jordania
• Kazakistani
• Kosova
• Maroku
• Pakistani
• Katari
• Arabia Saudite
• Turqia
• Emiratet e Bashkuara Arabe
• Uzbekistani
• Vietnami

Vendet që refuzuan

• Franca
• Norvegjia
• Sllovenia
• Suedia
• Mbretëria e Bashkuar

/Burimi: IndeksOnline, Telegrafi, Nacionale/