Prishtinë: Arrestohet i dyshuari për të shtënat me armë zjarri

Policia e Kosovës ka njoftuar për shoqërimin në stacionin policor të një mashkulli kosovar në Prishtinë, i cili dyshohet se ka shtënë me armë zjarri.

Gjatë kontrollit fizik te i dyshuari, oficerët policorë kanë gjetur dhe sekuestruar një pistoletë me dy fishekë, një fishek për armë të gjatë dhe gjashtë gëzhoja.

““Është shoqëruar në stacionin policor i dyshuari mashkull kosovar nën dyshimin se i njëjti kishte shtënë me armë zjarri. Gjatë kontrollit te i dyshuari është gjetur dhe sekuestruar një armë pistoletë me dy fishekë, një fishekë për armë të gjatë dhe gjashtë gëzhoja. Me vendim të prokurorit pas intervistimit rasti procedohet në procedurë të rregullt.””

Pas intervistimit, me vendim të prokurorit, rasti do të procedohet në procedurë të rregullt.

Ngjarja ka ndodhur në Prishtinë dhe policia po vazhdon hetimet për zbardhjen e plotë të saj.