Rexhepi merr ftesë nga gjykata serbe për flamurin shqiptar në Luginën e Preshevës

Kryetari i Këshillit Kombëtar Shqiptar, Enkel Rexhepi, ka njoftuar se ka marrë sot një ftesë nga gjykata serbe në lidhje me vendosjen e flamurit kombëtar shqiptar në institucionin zyrtar të shqiptarëve në Luginën e Preshevës.

Në një postim në Facebook, Rexhepi e ka cilësuar këtë si një dëshmi të qartë të presionit institucional ndaj komunitetit shqiptar në këtë zonë të Serbisë.

““Flamuri trajtohet si shkelje, ndërsa diskriminimi si politikë shtetërore. Nuk do të tërhiqemi. Dinjiteti nuk gjykohet””

Rexhepi ka theksuar se kjo nuk do t'i ndalojë ata në mbrojtjen e të drejtave dhe dinjitetit të shqiptarëve në Luginën e Preshevës.

Ky zhvillim vjen në një kohë kur tensionet etnikë në rajon vazhdojnë të jenë të larta, dhe shqiptarët kërkojnë më shumë të drejta kulturore dhe politike.