Rrahmani: Nuk jemi shkrirë në PDK, por kemi një koalicion të qartë
Kandidati për deputet Eman Rrahmani ka sqaruar se partia e tij nuk është shkrirë në Partinë Demokratike të Kosovës, por kanë një koalicion për katër vjet.
Eman Rrahmani, kandidat për deputet nga lista e Partisë Demokratike të Kosovës, ka bërë një sqarim të rëndësishëm në lidhje me statusin e grupit të tij në kuvendin e ri. Në emisionin "DPT te Fidani" në Klan Kosova, ai tha se partia e tij nuk është shkrirë në PDK, por kanë një marrëveshje koalicioni të qartë.
"Ne e kemi identitetin tonë të cilin e kemi pasur edhe para se të bëjmë koalicion me PDK-në. Ne nuk jemi shkri në Partinë Demokratike të Kosovës, mirëpo kemi koalicion dhe marrëveshje që për katër vjet i shty përpara çështjet dhe ato që ne i kemi parë të rëndësishme", deklaroi Rrahmani.
Rrahmani theksoi se në këtë fazë grupi i tyre është pjesë e grupit parlamentar të Partisë Demokratike, dhe kjo do të vazhdojë edhe në të ardhmen. Megjithatë, ai tha se ka shumë diskutime dhe puna në vazhdim, të cilat do të vendosin se si do të angazhohen dhe do të punojnë në periudhën e ardhshme.
Këto deklarata bëhen në një kohë kur koalicionet politike në Kosovë janë në fokus, pasi shtet përgatitet për zbatimin e rezultateve të procesit elektoral. Sqarimi i Rrahmanit tregon se ndonëse përfaqësuesit e grupit të tij do të punojnë brenda strukturave parlamentare të PDK-së, ata ruajnë autonominë e tyre politike dhe identitetin si entitet i pavarur.