Rrokulliset vetura në autostradë në Balincë, shkak ngricat në rrugë (Video)

Temperaturat e ulëta që kanë përfshirë vendin gjatë orëve të fundit kanë krijuar kushte të vështira për qarkullimin rrugor. Si pasojë e ngricave në rrugë, një aksident i rëndë ka ndodhur në autostradën në fshatin Balincë.

Një veturë është rrokullisur si pasojë e humbjes së kontrollit nga ngricat. Në pamjet e siguruara nga vendi i ngjarjes, shihet se në vendngjarje ka arritur menjëherë autoambulanca për të ofruar ndihmën e parë.

Policia e Kosovës ka bërë thirrje të vazhdueshme për kujdes të shtuar gjatë ngasjes në këto kushte atmosferike, duke kërkuar nga shoferët që të përshtatin shpejtësinë me kushtet e rrugës dhe të kenë pajisjet e nevojshme dimërore.