Seancë vendimtare në Prizren për vrasjen e Auron Thaqit

Nesër, e mërkurë, në ora 13:00, Gjykata Themelore e Prizrenit do të zhvillojë një seancë gjyqësore të rëndësishme lidhur me vrasjen e 26-vjeçarit Auron Thaqi. Ngjarja e rëndë, e cila ndodhi një vit më parë në qytetin e Prizrenit, ka tronditur opinionin publik dhe familjen e viktimës.

Auron Thaqi u plagos rëndë me thikë në një lokal në Prizren dhe pas shpërndarjes në Qendrën Klinike Universitare të Kosovës (QKUK), nuk arriti të mbijetojë plagëve të rënda. Dyshimet fillestare tregojnë se pas sulmit, ai mund të jetë hedhur nga një automjet në lëvizje.

Të dyshuarit në paraburgim:
Enes Ay po hetohet për veprën penale "Lëndim i rëndë trupor" që ka rezultuar me vdekjen e Thaqi. Ndërsa Hajrullah Brcani mbahet për "Mosdhënia e ndihmës" dhe "Moslajmërimi i veprave penale apo kryerësve të tyre".

Kjo seancë pritet të jetë vendimtare pasi do të dëshmojnë punonjësit e lokaleve ku ndodhi ngjarja, të cilët mund të ofrojnë detaje të reja për rrethanat e sulmit. Rasti ka ngritur dyshime për përfshirjen e personave të njohur nga viktima.

“Një vit pas tragjedisë, familja kërkon drejtësi të plotë.”

Opinion publik vazhdon të ndjekë me vëmendje zhvillimet e këtij rasti, duke shpresuar në zbardhjen e plotë të së vërtetës.