Shahini: Prishtina po teston model të ri arsimor për nxënësit në epokën e AI-së

Nxënësit në Kosovë po rriten në një realitet ku inteligjenca artificiale (AI) dhe teknologjitë digjitale janë të pranishme në çdo aspekt të jetës së tyre. Për të përballuar këtë sfidë, Komuna e Prishtinës po teston një model të ri arsimor që synon t’i pajisë ata me aftësi për ta kuptuar dhe përdorur AI-në në mënyrë të sigurt dhe të përgjegjshme.

Samir Shahini, drejtor i Drejtorisë së Arsimit në Komunën e Prishtinës, ka folur për këtë iniciativë në podcast-in “Përballje”. Ai ka nënvizuar se brezat e rinj jetojnë të rrethuar nga teknologjitë e avancuara, por shpesh u mungon edukimi i nevojshëm për të analizuar dhe përdorur ato në mënyrë kritike.

“Nxënësit sot janë të rrethuar vazhdimisht nga teknologjia dhe inteligjenca artificiale, por shpesh pa udhëzime të mjaftueshme se si ta përdorin atë në mënyrë kritike.”

Ky model i ri do të integrojë module specifike për edukimin digjital në programet shkollore, duke u dhënë nxënësve mjetet për të dalluar informacionin e saktë nga ai i fals dhe për të zhvilluar aftësi krijuese me AI-në. Shahini ka theksuar se ky është hapi i parë drejt një sistemi arsimor modern që përgatit të rinjtë për tregun e punës së së ardhmes.

Sipas tij, bashkëpunimi me ekspertë vendorë dhe ndërkombëtarë do të sigurojë që ky model të jetë i përshtatshëm për kontekstin lokal. Kjo iniciativë vjen në një kohë kur AI-ja po transformon industritë globale, duke e bërë edukimin për të edukimin për teknologjinë një domosdoshmëri.