Shpalosja e flamurit shqiptar shkakton tensione në protestën studentore të Novi Sadit
Aktivisti serb Miodrag Kapor nxori flamurin shqiptar në protestën studentore në Novi Sad, duke shkaktuar përleshje dhe dhunë. Ai thotë se synonte të promovonte tolerancën mes demonstruesve.
Shpalosja e flamurit shqiptar shkakton tensione në protestën studentore të Novi Sadit
Aktivisti politik në Serbi, Miodrag Kapor, ka nxitur tensione gjatë protestës së mbajtur të shtunën në Novi Sad, pasi ka shpalosur flamurin kombëtar shqiptar mes turmës së protestuesve studentë dhe qytetarë.
Sapo flamuri u pa nga pjesëmarrësit, situata u tensionua menjëherë. Protestuesit reaguan me shtyrje dhe fyerje verbale ndaj Kaporit, i cili më pas u nxorr me dhunë nga turma.
““Ai e solli flamurin shqiptar këtu për t’u tallur me ne””
Pas incidentit, Kapor deklaroi se kishte dhënë dëshmi në polici. Ai sqaroi se me vete kishte pasur edhe një flamur kroat dhe se qëllimi i tij ishte promovimi i tolerancës dhe unitetit mes protestuesve.
““I solla një flamur të Shqipërisë dhe një të Kroacisë. Dua të jem i qartë: këta flamuj janë simbole zyrtare të njohura nga Këshillat e Komuniteteve në Serbi. I solla sepse studentët kanë thënë se këta janë flamujt që mund të sillen në protesta.””
Kapor shtoi se flamuri boshnjak shfaqet rregullisht në protesta, dhe se veprimi i tij synonte të nxisë bashkëpunimin në luftën për drejtësi.
Protestat në Novi Sad u mbajtën nga studentët dhe qytetarët që kërkojnë drejtësi për vdekjen e 15 personave në shembjen e një strehe në stacionin e trenit vitin e kaluar. Këto demonstrata janë bërë simbol i pakënaqësisë publike ndaj institucioneve serbe për mungesë transparence dhe përgjegjësisë.
Ngjarja nxjerr në pah tensionet etnike ende të pranishme në Serbi, veçanërisht në kontekstin e protestave studentore.