Siria u jep kurdëve katër ditë afat për ta pranuar integrimin, pas sinjalit të SHBA-së për fundin e përkrahjes

Siria të martën ka njoftuar një armëpushim me forcat kurde, nga të cilat ka marrë territore të mëdha në verilindje të vendit, dhe u ka dhënë atyre katër ditë afat për t’u integruar në institucionet qendrore të shtetit.

Shtetet e Bashkuara të Amerikës, partnerja kryesore e Forcave Demokratike Siriane (FDS) të udhëhequra nga kurdët, u kanë bërë thirrje atyre të pranojnë këtë ofertë. Ky zhvillim shënon ndryshimin më të madh në kontrollin territorial në Siri që nga rrëzimi i Bashar al-Assad-it nga rebelët 13 muaj më parë, sipas Reuters.

“Oferta për integrim në institucionet qendrore siriane me të drejta shtetësia, mbrojtje kulturore dhe pjesëmarrje politike është “mundësia më e madhe” që kurdët e kanë.”

Barrack, në një postim në rrjetet sociale, theksoi se qëllimi fillestar i FDS-së, të mbështetura nga Uashingtoni kundër ISIS-it, ka skaduar dhe SHBA nuk ka interes afatgjatë për praninë në Siri.

Forcat Demokratike Siriane kanë konfirmuar pranimin e armëpushimit dhe kanë deklaruar se nuk do të angazhohen në veprime ushtarake, përveç në rast sulmi.

Avancimet e shpejta të forcave qeveritare tregojnë një zhvendosje të madhe në hartën ushtarake të Sirisë, ku kurdët kishin kontrolluar zona kyçe falë mbështetjes amerikane.

Ndryshime të mëdha në Siri pas Assad-it

Rrezimi i Assad-it ka hapur një kapitull të ri në Siri, ku qeveria e re po kërkon të rifusë kontrollin mbi territoret e humbura. Integrimi i kurdëve shihet si hapi kyç për stabilitetin rajonal.

SHBA, pas misionit kundër ISIS-it, po ridrejtë fokusin strategjik, duke lënë kurdët në një pozicion të vështirë negociatash.