Përditësohet skandali seksual në Malin e Zi: Publikohen mesazhet WhatsApp, ish-sekretarja bën kallëzim penal
Skandali seksual që tronditi Malin e Zi vazhdon me publikimin e mesazheve WhatsApp mes ish-zyrtarëve Mirjana Pajkoviq dhe Dejan Vukshiq. Pajkoviq ka bërë kallëzim penal për shpërndarjen e paautorizuar të materialeve intime dhe ka publikuar biseda ku Vukshiq e kërcënon.
Përditësohet skandali seksual në Malin e Zi: Publikohen mesazhet WhatsApp
Një skandal seksual ka vazhduar të trondisë skenën politike malazeze pas publikimit të mesazheve në WhatsApp mes dyshes së ish-zyrtarëve të lartë Mirjana Pajkoviq, ish-sekretare shteti, dhe Dejan Vukshiq, ish-drejtor i Agjencisë për Siguri Kombëtare (ANB).
Të dy ata dhanë dorëheqje menjëherë pas shpërndarjes së videove dhe fotove intime në rrjetet sociale. Tani, mediat malazeze raportojnë se janë bërë publike edhe bisedat private në WhatsApp, duke intensifikuar debatet publike dhe politike.
Pajkoviq ka paraqitur kallëzim penal për shpërndarjen e paautorizuar të përmbajtjeve intime. Ajo ka publikuar pjesë të bisedave dhe audiopërgjime ku, sipas saj, Vukshiq e kërcënon me ekspozimin e materialit.
Ngjarja ka shkaktuar reagime të gjera, duke sfiduar integritetin e institucioneve malazeze dhe duke hapur debate mbi privatësinë dhe abuzimin me pozita zyrtare.