Tetë vjet nga vrasja e Oliver Ivanoviqit: Beogradi fajëson Prishtinën, misteri vazhdon

Në 16 janar 2018, politikan i njohur serb Oliver Ivanoviq u qëllua gjashtë herë në shpinë para zyrës së tij në Mitrovicën e Veriut. Edhe pas tetë vitesh, identiteti i vrasësit dhe organizatorëve mbetet mister.

Autoritetet në Beograd kanë pohuar se Milan Radoiçiq nuk ka urdhëruar vrasjen. Ata pretendojnë se e dinë kush është vrasësi, por thonë se ai mbrohet nga Gjermania – pretendim i mohuar nga Berlini. Sot, Beogradi insiston se vrasësi nuk është me prejardhje serbe.

"Vetëm fakti që Prishtina ka sabotuar hetimin dhe nuk ndan asnjë informacion tregon se vrasësi nuk është me prejardhje serbe," tha kryetarja e Kuvendit serb, Ana Brnabiq.

““Me jetët tona po luajnë prej vitesh si Beogradi zyrtar, ashtu edhe Prishtina zyrtare dhe komuniteti ndërkombëtar. Dhe me kalimin e kohës jam gjithnjë e më i sigurt se të tria palët dinë gjithçka lidhur me likuidimin e Oliver Ivanoviqit, por për shkak të disa interesa të tjera dhe politikës që zbatojnë ndaj serbëve në terren, vazhdojnë të heshtin””

Në Prishtinë, gjykata ka dënuar tre policë për shkatërrim provash dhe Marko Roshin për ndjekje e djegie të veturës së Ivanoviqit, por këta konsiderohen personazhe dytësorë. Milan Radoiçiq përmendet si lider grupi kriminal, por nuk është dënuar.

Presidenti serb Aleksandar Vuçiq ka thënë se Kosova përpiqet të fajësojë Beogradin, por nuk ka dhënë analiza forenzike. Nipi i viktimës, Aleksandar Ivanoviq, beson se drejtësia do të vijë vetëm pas largimit të Vuçiqit nga pushteti.

Vrasja e Ivanoviqit vazhdon të jetë një plagë e hapur në Mitrovicën e Veriut, duke nxjerrë në pah tensionet mes komuniteteve dhe sfidat në bashkëpunimin ndërkombëtar për drejtësi.