“Pa ne sot do të flisnit gjermanisht ose japonisht”, Trump kritikon Danimarkën për Groenlandën në Davos

Në fjalimin e tij të fundit në Forumin Ekonomik Botëror në Davos, presidenti i SHBA-së, Donald Trump, ka përdorur një gjuhë të ashpër ndaj Danimarkës lidhur me Groenlandën.

Trump ka theksuar se SHBA-të ka luajtur rol kyç në mbrojtjen e Danimarkës dhe Groenlandës gjatë Luftës së Dytë Botërore, duke dërguar trupa dhe duke ndërtuar baza ushtarake për të parandaluar pushtimin gjerman ose japonez.

““Kam respekt të madh për popullin e Groenlandës dhe Danimarkës, por çdo vend i aleancës duhet të mbrojë territorin e vet dhe asnjë vend nuk është në pozicionin për të mbrojtur Groenlandën siç është SHBA-ja. Ne jemi një fuqi e madhe, e kemi treguar në Luftën e Dytë Botërore, kur Danimarka s’mund të mbronte dot veten dhe Groenlandën; SHBA dërgoi forcat e saj në territorin e Groenlandës dhe ata nuk patën më shans që ta merrnin. Danimarka e di këtë. Ne kemi ngritur baza, kemi luftuar për Danimarkën, për ta shpëtuar atë vend. [...] Pa ne, ju do të flisnit gjermanisht dhe japonisht ndoshta. Ne ia kthyem Groenlandën Danimarkës; sa budallenj u treguam, dhe ata janë mosmirënjohës.””

Sipas tij, Europa po vetëshkatërrohet dhe SHBA-të kujdeset për aleatët e saj, por pret reciprocitet. Ai ka përmendur edhe prindërit e tij, nënën nga Skocia dhe babanë gjerman, duke shprehur dëshirën që vendet evropiane të kenë sukses.

Kjo deklaratë vjen në kontekstin e interesit të vazhdueshëm të Trump-it për Groenlandën, të cilën ai e ka konsideruar strategjikisht të rëndësishme për sigurinë amerikane.

Konteksti historik

Gjatë Luftës së Dytë Botërore, pas pushtimit të Danimarkës nga Gjermania Naziste në 1940, SHBA-të ka marrë kontrollin e Groenlandës për të parandaluar përdorimin e saj nga forcat e Boshtit. Kjo ka qenë një hap kyç për sigurinë e Atlantikut të Veriut.