PËRDITËSIM: Trump në Davos: Nuk do të përdorim forcë për të marrë Grenlandën, kritikon NATO-n dhe Evropën
Presidenti Trump në Davos sqaron se SHBA nuk do të përdorë forcë për Grenlandën, kritikon kontributet e aleatëve në NATO dhe thotë se Europa nuk po ecën në drejtimin e duhur, ndërsa premton prosperitet për Venezuelën.
PËRDITËSIM: Trump në Davos sqaron se nuk do të përdorë forcë për Grenlandën
Presidenti i SHBA-së, Donald Trump, gjatë fjalimit në Forumin Ekonomik Botëror në Davos, ka folur hapur për interesin e tij ndaj Grenlandës, duke u shprehur se Amerika nuk do të marrë asgjë me forcë.
“Ne nuk do të marrim asgjë, përveçse nëse përdorim forcë dhe fuqi të tepruar... Nuk do të përdor forcë.”
Trump ka kritikuar ashpër Evropën, duke thënë se nuk po shkon në drejtimin e duhur. Miqtë e tij nga vende të ndryshme i kanë thënë se nuk e njohin më kontinentin, në kuptim negativ.
“Unë e dua Europën dhe dua ta shoh atë të ecë mirë, por ajo nuk po shkon në drejtimin e duhur.”
Sa i përket NATO-s, Trump ka theksuar se SHBA japin shumë dhe marrin pak. Ai ka treguar me gisht sekretarin e përgjithshëm Mark Rutte, duke rikujtur se Neni 5 i aleancës është aktivizuar vetëm një herë, pas 11 shtatorit.
Trump ka përsëritur dëshirën për Grenlandën: "Nëse thoni po, do ta vlerësojmë, nëse thoni ‘jo’ nuk do ta harrojmë kurrë."
Në fund të fjalimit, Trump ka premtuar se Venezuela do të ecë mirë dhe do të fitojë më shumë para sesa në 20 vitet e fundit.
“Venezuela do të ecë jashtëzakonisht mirë.”