“Nuk ndiej më detyrim të mendoj vetëm për paqen”, Trump jep shpjegime për Grenlandën

Presidenti i Shteteve të Bashkuara, Donald Trump, ka reaguar me një letër të hapur drejtuar kryeministrit norvegjez Jonas Gahr Støre, ku shpjegon pozicionin e tij lidhur me interesin amerikan për Grenlandën.

Në letër, e cila është dërguar gjithashtu në disa ambasada evropiane në Uashington, Trump akuzon Norvegjinë se nuk ia ka dhënë atij Çmimin Nobel për Paqen, të cilin ai pretendon se e meritonte për 'ndalimin e 8 luftërave'.

“Nuk ndiej më detyrimin të mendoj vetëm për paqen, megjithëse ajo do të jetë gjithmonë mbizotëruese, por tani mund të mendoj për atë që është e mirë dhe e përshtatshme për Shtetet e Bashkuara të Amerikës.”

Trump shkruan se kjo ka ndryshuar prioritetet e tij, duke e bërë të mendojë më shumë për interesat strategjike të SHBA-së, siç është Grenlanda.

Të kujtohet se parlamenti norvegjez zgjedh pesë anëtarët e Komitetit të Nobelit, por qeveria nuk ka rol drejtpërdrejt në zgjedhjen e fituesit, sipas The Journal.

Interesi i Trump për Grenlandën ka qenë i vazhdueshëm, duke e parë atë si asset strategjik për sigurinë kombëtare amerikane.