Trump publikon mesazhin privat të Macronit për Grenlandën

Presidenti i SHBA-së, Donald Trump, ka publikuar në platformën e tij sociale Truth Social një 'screenshot' nga një mesazh privat i Presidentit francez Emmanuel Macron.

Në mbishkrimin e postimit, Trump shkruan 'Shënim nga Presidenti Emmanuel Macron, i Francës'. Mesazhi përmban mes të tjera tekstin:

“Ne jemi plotësisht në një linjë për Sirinë. Mund të bëjmë gjëra të mëdha për Iranin. Nuk e kuptoj se çfarë po bën me Grenlandën. Le të përpiqemi të ndërtojmë gjëra të mëdha.”

Ky veprim i Trump vjen në një kohë kur ai ka shprehur interes të përsëritur për blerjen ose kontrollin e Grenlandës, duke e konsideruar atë strategjikisht të rëndësishme për SHBA-në për shkak të burimeve natyrore dhe pozicionit gjeopolitik.

Grenlanda, ishull i madh i Artikut dhe territor autonom i Danimarkës, ka qenë temë diskutimesh ndërkombëtare, veçanërisht në kontekstin e ndryshimeve klimatike dhe garës për resurset arktike.

Publikimi i këtij mesazhi privat mund të ketë implikime diplomatike mes SHBA-së dhe Francës, duke nxjerrë në pah divergjencat në pikëpamjet e tyre për çështje globale.