Trumpi paralajmëron kryetarin e Minneapolis-it Jacob Frey: Po luan me zjarr

Presidenti i Shteteve të Bashkuara, Donald Trump, të mërkurën e paralajmëroi kryetarin e qytetit të Minneapolis-it, Jacob Frey, duke thënë se ai “po luan me zjarr”. Kjo vjen pasi Frey, një politikan demokrat, deklaroi se qyteti i tij nuk do të ndihmonte agjentët federalë të ICE-së (Immigration and Customs Enforcement) për zbatimin e ligjit të imigracionit.

Tensionet janë të larta në Minneapolis, ku bastisjet kundër imigrantëve kanë qenë më të shënjestruara në 24 orët e fundit, por qyteti është zhytur në trazira pas vrasjes së dy shtetasve amerikanë nga oficerët federalë, përfshirë infermierin Alex Pretti të shtunën tërmin, sipas Reuters.

Administrata Trump ka sinjalizuar një zbutje të qasjes, duke dërguar shefin e kufirit, Tom Homan, për të marrë kontrollin e operacionit nga Gregory Bovino i Patrullës Kufitare. Taktikat agresive të Bovinos kanë nxitur kritika.

Një zyrtar i administratës tha se ardhja e Homanit do të çojë në operacione më të shënjestruara. Megjithatë, situata në Minneapolis mbetet e tensionuar, me përleshje mes agjentëve dhe protestuesve.

Të mërkurën, agjentët e ICE-së u panë duke lëvizur me autokolona para shtëpive dhe bizneseve, duke kërkuar persona specifikë. Në javët e fundit, ka pasur ndalime rastësore për verifikim statusi ligjor, duke zemëruar komunitetin.

Në një zhvillim tjetër, Ministria e Jashtme e Ekuadorit protestoi kundër SHBA-së pasi një agjent i ICE-së u përpoq të hyjë në konsullatën ekuadoriane në Minneapolis.

“Po luan me zjarr.”

Mirëmbajtja e ligjit dhe rendit është prioritet i administratës Trump, veçanërisht në çështjet e imigracionit. Ky konflikt nxjerr në pah tensionet mes qeverive lokale demokratike dhe politikave federale të ashpra.