Vance kritikon Danimarkën dhe Evropën për mos-sigurimin e Grenlandës

Zëvendëspresidenti i Shteteve të Bashkuara, JD Vance, ka kritikuar ashpër përpjekjet e Danimarkës dhe Evropës për sigurimin e Grenlandës, duke e quajtur zonën "kritike" për mbrojtjen rajonale ndaj sulmeve të mundshme ruse apo kineze. Vance tha se Danimarka nuk ka bërë "një punë të mirë" në këtë drejtim.

Në një intervistë për Fox News, Vance nënvizoi se Danimarka jo vetëm ka investuar shumë pak në infrastrukturën e mbrojtjes të Grenlandës, por gjithashtu nuk e ka thelluar dialogun mbi argumentet e Presidentit Donald Trump lidhur me këtë çështje gjeopolitike.

SHBA po diskuton blerjen e Grenlandës

Shtëpia e Bardhë konfirmoi të mërkurën se zyrtarët amerikanë po diskutojnë "aktivisht" një ofertë të mundshme për të blerë Grenlandën, një territor gjysmë-autonom danez. Një ditë më parë, administrata Trump sugjeroi se veprimi ushtarak për ta aneksuar atë ishte gjithashtu një opsion nën konsideratë.

Danimarka, anëtare e NATO-s, ka dhënë sinjale të qarta se kjo lëvizje do të shënonte fundin e aleancës. Nga ana e tyre, si Grenlanda ashtu edhe Danimarka kanë insistuar vazhdimisht se ishulla nuk është në shitje dhe nuk mund të jetë objekt i asnje transaksioni.

Pse Grenlanda është kaq e rëndësishme?

Pavarësisht se ishte territori më pak i populluar i tyre, pozicioni gjeografik i Grenlandës midis Amerikës së Veriut dhe Arktikut e bën atë të pozicionuar në mënyrë strategjike për sistemet e paralajmërimit të hershëm ndaj sulmeve të mundshme me raketa. Ishulli ofron gjithashtu aftësi kritike për monitorimin e aktiviteteve ushtarake dhe anijeve në rajonin e Arktikut.

Shtetet e Bashkuara tashmë kanë më shumë se 100 personel ushtarak të stacionuar në mënyrë permanente në bazën e tyre "Pituffik" në skajin veriperëndimor të Grenlandës. Kjo bazë ka qenë nën kontroll amerikan që nga Lufta e Dytë Botërore dhe mbetet një pike kyçe në strategjinë mbrojtëse të SHBA-ve.

Sipas marrëveshjeve aktuale me Danimarkën, SHBA-të kanë të drejtën t'i sjellë në Grenlandë sa më shumë trupa të duan, e cila e bën atë një zonë strategjike qendrore për interesat amerikane në Arktik.