Varroset 18-vjeçarja Vikena Greku nga aksidenti fatal në Durrës – Shoferi i dehur mbetet në burg

Sot në fshatin Dyshnik të Beratit u varros 18-vjeçarja Vikena Greku, e cila humbi jetën në aksidentin e rëndë të ndodhur natën e enjtes te Ura e Dajlanit në Durrës.

Drejtuesi i automjetit, Arbër Xhaxhaj nga Fieri, doli para gjykatës për vendosjen e masës së sigurisë. Gjykata vendosi 'arrest me burg' për të, pasi ishte nën ndikimin e alkoolit dhe drejtonte me shpejtësi të lartë një BMW X5 në drejtim Tiranë-Durrës.

Mjeti dolli jashtë kontrollit, theu barrierat mbrojtëse dhe përfundoi disa metra më poshtë, në një zonë për tregtim lulesh. Si rezultat, humbi jetën e reja Vikena Greku, ndërsa shoferi dhe dy këmbësorë u lënduan lehtë.

“Ai ishte i dehur dhe me shpejtësi të lartë teksa drejtonte automjetin.”

Xhaxhaj mbërriti në Gjykatën e Durrësit në gjendje të rëndë psikologjike, i prangosur, ku u njoh me masën e sigurisë së dhënë nga gjykata.

Ky incident tragjik rikujton rëndësinë e respektimit të rregullave të trafikut rrugor dhe pasojat e rënda të drejtimit nën ndikimin e alkoolit.