Varroset Hekuran Hoxha – Kani, Ramush Haradinaj i jep lamtumirën e fundit

Sot u dha lamtumira e fundit Hekuran Hoxhës, të njohur si Kani, i cili u gjet i vdekur dy ditë më parë në rrethana ende të paqarta.

Në funeralin e zhvilluar sot mori pjesë një numër i konsiderueshëm bashkëpunëtorësh, miqsh dhe familjarësh. Ndër figurat më të njohura ishte lideri i Aleancës për Ardhmërinë e Kosovës (AAK), Ramush Haradinaj.

““Lamtumira e fundit për kolegun tonë, Hekuran Hoxhën – Kanin. Familjes Hoxha, miqve dhe kolegëve, iu shpreh ngushëllimet më të sinqerta dhe uroj të gjejnë forcë e durim për ta përballuar këtë dhimbje të madhe. Kani, u prehtë në paqe””

Haradinaj shprehu dhimbjen e tij të thellë për humbjen e kolegut, duke theksuar lidhjet e ngushta që kishte me të. Familja dhe miqtë e të ndjerit kërkojnë bashkëpunimin e institucioneve për zbardhjen e shkaqeve të vdekjes së tij.

Ngjarja ka tronditur bashkësinë, ndërsa autoritetet kanë nisur hetimet për të sqaruar rrethanat e ngjarjes.