Zelensky: Dokumenti i garancive të sigurisë nga SHBA-ja është 100% gati
Presidenti ukrainas Volodymyr Zelensky deklaron se dokumenti për garancitë e sigurisë nga Shtetet e Bashkuara është plotësisht i gatshëm, ndërsa bisedimet me Rusinë në Abu Dhabi kanë treguar përparim.
Presidenti i Ukrainës, Volodymyr Zelensky, ka deklaruar se një dokument i rëndësishëm për garancitë e sigurisë nga Shtetet e Bashkuara është plotësisht i gatshëm. Ai theksoi se Kievi po pret vetëm konfirmimin e datës dhe vendit për nënshkrimin e këtij marrëveshjeje.
"Për ne, garancitë e sigurisë janë para së gjithash garanci sigurie nga Shtetet e Bashkuara. Dokumenti është 100% gati dhe ne po presim që partnerët tanë të konfirmojnë datën dhe vendin kur do ta nënshkruajmë atë", u shpreh Zelensky në një konferencë shtypi gjatë një vizite në Vilnius, kryeqytetin lituanez.
Dokumenti do të dërgohet më pas për ratifikim në Kongresin amerikan dhe Parlamentin ukrainas, sipas tij.
Kjo deklaratë vjen në kontekstin e bisedimeve të fundit mes negociatorëve ukrainas dhe rusë në Abu Dhabi, ku u përfshinë edhe ndërmjetësuesit amerikanë. Ky ishte takimi i parë trepalësh për të diskutuar kuadrin e Uashingtonit për t'i dhënë fund luftës pothuajse katërvjeçare mes dy vendeve, por nuk u arrit ndonjë marrëveshje përfundimtare.
Zelensky theksoi se bisedimet kanë bërë njëfarë përparimi, duke shprehur shpresë për zhvillime të mëtejshme drejt paqes.