Zelensky i kundërshton akuzat e Trump: Ukraina nuk pengon paqen

Presidenti i Ukrainës, Volodymyr Zelensky, ka reaguar ashpër ndaj komenteve të presidentit amerikan Donald Trump, i cili e akuzoi atë se po pengon ndaljen e luftës me Rusinë.

"Ukraina kurrë nuk ka qenë dhe kurrë nuk do të jetë pengesë për paqen", deklaroi Zelensky në një video-adresim të mbrëmjes, duke iu referuar një bisede me sekretarin e përgjithshëm të NATO-s, Mark Rutte.

Në një intervistë për Reuters, Trump tha se beson që Ukraina është më pak e gatshme se Rusia për të bërë një marrëveshje, duke e fajësuar drejtpërdrejt Zelenskinin kur u pyet pse lufta nuk është zgjidhur ende.

““Zelensky.””

Zelensky kundërshtoi duke nënvizuar se sulmet e vazhdueshme ruse ndaj infrastrukturës energjetike dhe qendrave civile dëshmojnë se Moska nuk ka interes për paqe.

““Janë saktësisht raketat ruse, dronët Shahed dhe përpjekja e Rusisë për ta shkatërruar Ukrainën që janë dëshmi e qartë se Rusia nuk është fare e interesuar për marrëveshje.””

Nga ana tjetër, në Moskë, zëdhënësi i Kremlinit Dmitry Peskov u pajtua me Trumpin, duke thënë se Zelensky po e mban pezull paqen, por theksoi se presidenti rus Vladimir Putin mbetet i hapur për bisedime.

Zelensky premtoi se Ukraina do të jetë më aktive në përpjekjet diplomatike për të arritur paqen. /Nacionale/