Zjarr në Klinikën e Pediatrisë të QKUK-së: Situata plotësisht nën kontroll, nuk ka të lënduar
Një zjarr ka shpërthyer sot në bojlerin mbi kulmin e Klinikës së Pediatrisë në QKUK. Zjarrfikësit kanë reaguar menjëherë dhe e kanë shuar, situata është nën kontroll pa të lënduar. Aktiviteti vazhdon normalisht.
Një incident i rëndë ka ndodhur sot në Qendrën Klinike Universitare të Kosovës (QKUK), ku një zjarr ka shpërthyer në bojlerin e vendosur mbi kulmin e Klinikës së Pediatrisë.
Mirlinda Qyqalla, nga zyra për media në QKUK, ka konfirmuar se zjarri ka përfshirë bojlerin, por situata është vënë menjëherë nën kontroll.
“Ju njoftojmë se ka rënë zjarr në një bojler të vendosur mbi kulmin e Klinikës së Pediatrisë. Menjëherë pas njoftimit, në vendin e ngjarjes kanë dalë ekipet e zjarrfikësve, të cilët kanë ndërhyrë me shpejtësi dhe kanë arritur ta lokalizojnë dhe shuajnë zjarrin. Situata është vënë plotësisht nën kontroll dhe nuk ka të lënduar apo dëme të tjera. Aktiviteti në Klinikën e Pediatrisë vazhdon normalisht dhe nuk ka asnjë rrezik për pacientët apo stafin.”
Ekipet e zjarrfikësve kanë mbërritur shpejt në vendngjarje dhe kanë arritur ta shuajnë zjarrin pa pasoja për njerëzit. Sipas saj, nuk ka të lënduar dhe as dëme të tjera material.
Përkundër këtij incidenti, aktiviteti në Klinikën e Pediatrisë po vazhdon normalisht dhe nuk paraqitet rrezik për pacientët apo stafin mjekësor.