PËRDITËSIM: Nesër mbyllet afati për propozimin e tarifave të rrymës - dyshimet për shtrenjtim vazhdojnë
Afati për propozimet fillestare të tarifave të energjisë elektrike mbyllet nesër në ZRRE. Në mes të reduktimeve dhe telasheve, qytetarët frikësohen nga fatura më të shtrenjta, ndërsa Kushtrim Ahmeti dyshon për rritje të re çmimi.
PËRDITËSIM: Nesër mbyllet afati për propozimin e tarifave të rrymës - dyshimet për shtrenjtim vazhdojnë
Në mes të reduktimeve të shpeshta dhe telasheve me furnizimin, qytetarët e Kosovës mund të përballen edhe me fatura më të shtrenjta të rrymës. Afati për dorëzimin e propozimeve fillestare për tarifat mbyllet nesër, sipas Zyrës së Rregullatorit për Energji (ZRRE).
Përkundër anktheve, ZRRE thekson se ende nuk dihet nëse do ketë shtrenjtim ose jo, pasi propozimet duhet të dorëzohen deri të premten (23 janar 2026). Operatorët si KESCO pritet të kërkojnë të hyra më të larta.
“Në kuadër të procesit vjetor të shqyrtimeve tarifore... afatin deri më 23 janar 2026 për dorëzimin e aplikimeve/propozimeve fillestare.”
Kushtrim Ahmeti nga Dhoma Tregtare dyshon se kriza po shfrytëzohet për rritje çmimi: "Kjo është një lojë e fëlliqur për të shfrytëzuar amullinë institucionale."
“Unë jam plotësisht i bindur që të gjitha kompanitë do të kërkojnë rritje të çmimit... Rritja në një element e ndikon rritjen zingjirore.”
Para fundit të marsit, ZRRE do të vendosë për tarifat e reja që hyjnë në fuqi më 1 prill. Në 4 vitet e fundit, tarifat janë rritur 3 herë, së fundmi me 16.1% në prill 2025.
Ankth për konsumatorët
Konsumatorët presin me frikë zhvillimet, duke shpresuar që tarifat të mos rriten më tej në kushtet e krizës ekonomike dhe reduktimeve të shpeshta.