AUV bllokon dhe nis asgjësimin e qumështit për foshnje Nidina Optipro 1 pas njoftimit nga RASFF

Agjencia e Ushqimit dhe Veterinarisë (AUV) ka njoftuar se ka bllokuar dhe ka nisur procesin e asgjësimit të produktit qumësht për foshnje Nestlé Nidina Optipro 1 (600g), loti 52860346BB.

Ky veprim është marrë bazuar në njoftimin e pranuar nga Sistemi i Paralajmërimit të Shpejtë për Ushqim dhe Ushqim për Kafshë (RASFF), me numër reference 2025.9962.

Në këtë produkt është identifikuar prania e substancës toksike Cereulide. Produkte ka origjinë nga Holanda dhe është importuar nga kompania Nestlé Nederland BV në Republikën e Kosovës.

“AUV njofton se, është duke bërë bllokimin e këtij produkti dhe më pas do të fillojë me procesin e asgjësimit, në përputhje të plotë me legjislacionin në fuqi.”

Agjencia thekson se mbetet e përkushtuar në monitorimin e vazhdueshëm të tregut dhe të zinxhirit ushqimor, me qëllim të garantimit që konsumatorët në Kosovë të kenë në dispozicion ushqim të sigurt dhe të shëndetshëm, veçanërisht për foshnjet.

Konsumatorët inkurajohen të mos përdorin këtë produkt dhe të kontaktojnë autoritetet përkatëse nëse e kanë në posedim.