Bastisjet në Prizren: Arrestohen mbi 100 persona për keqpërdorim të votave, dyshohet djali i Nait Hasanit
Policia e Kosovës në bashkëpunim me Prokurorinë Themelore të Prizrenit ka zhvilluar një operacion të madh në rajonin e Prizrenit, ku janë arrestuar mbi 100 persona për dyshime në keqpërdorim të votave gjatë zgjedhjeve të 28 dhjetorit. Mes të arrestuarve dyshohet të jetë Art Hasani, djali i ish-deputetit Nait Hasani.
Bastisjet në Prizren: Arrestohen mbi 100 persona për keqpërdorim të votave, dyshohet djali i Nait Hasanit
Policia e Kosovës, në bashkëpunim me Prokurorinë Themelore në Prizren, ka nisur sot një operacion të gjerë në rajonin e Prizrenit, lidhur me dyshimet për keqpërdorim të votave gjatë zgjedhjeve të jashtëzakonshme parlamentare të 28 dhjetorit.
Sipas informacioneve të KosovaPress, janë arrestuar mbi 100 persona në kuadër të këtij hetimi.
Mediat raportojnë se në mesin e të arrestuarve dyshohet të jetë edhe Art Hasani, djali i ish-deputetit Nait Hasani. Ky i fundit besohet se ka ushtruar rolin e komisionerit në zgjedhjet e fundit.
Foto nga Telegrafi. Digjital.com do të ndjekë zhvillimet e mëtejshme të këtij rasti të rëndësishëm për integritetin zgjedhor.