Betohen 10 ekspertë të rinj gjyqësorë: Sallahu kërkon integritet dhe profesionalizëm
Sistemi i drejtësisë në Kosovë forcohet me 10 ekspertë të rinj gjyqësorë. Ministri Sallahu kërkoi etikë dhe paanshmëri në shërbim të qytetarëve.
Betimi i ekspertëve të rinj për një drejtësi më efikase
Sistemit të drejtësisë në Kosovë i janë shtuar sot 10 ekspertë të rinj gjyqësorë. Gjatë një ceremonie solemne të betimit, u theksua rëndësia e rolit të tyre në forcimin e transparencës dhe cilësisë së proceseve gjyqësore në vend.
Ushtruesi i detyrës së Ministrit të Drejtësisë, Blerim Sallahu, i cili mori pjesë në këtë ceremoni, u shpreh se përzgjedhja e këtyre ekspertëve është bërë mbi baza strikte profesionale dhe ligjore. Sipas tij, integriteti dhe kompetenca janë shtyllat mbi të cilat do të operojnë këta profesionistë.
Sallahu vlerësoi se ekspertët gjyqësorë janë kyc në garantimin e drejtësisë, pasi opinionet e tyre profesionale shpesh përcaktojnë rrjedhën dhe saktësinë e vendimeve gjyqësore.
“Ekspertët gjyqësorë kanë një rol shumë të rëndësishëm në garantimin e drejtësisë. Përzgjedhja është bërë në përputhje me kriteret ligjore dhe standardet profesionale.”
Gjatë fjalimit të tij, ministri inkurajoi të sapobetuarit që ta ushtrojnë detyrën me etikë të lartë, paanshmëri dhe përgjegjësi ndaj qytetarëve. Ai rikonfirmoi angazhimin e Ministrisë së Drejtësisë për të mbështetur fuqizimin e vazhdueshëm të këtëj grupi profesional.
Ky hap shihet si pjesë e reformave të vazhdueshme për të krijuar një sistem drejtësie më transparent dhe llogaridhënës në Kosovë.
