Sokol Havolli kritikon Hykmete Bajramin: Përgjegjësia për rezultatin zgjedhor është kolektive

Sokol Havolli nga Lidhja Demokratike e Kosovës (LDK) ka komentuar reagimin e deputetes Hykmete Bajrami në rrjetet sociale, duke theksuar se nuk pajtohet me mënyrën e komunikimit dhe interpretimet e saj lidhur me përgjegjësinë për rezultatin zgjedhor të dobët të partisë.

Në emisionin "Click" të RTV21, Havolli tha se Bajrami e ka ndjerë veprimin e saj si përgjegjësi morale, por sipas tij, një komunikim i tillë publik nuk është i duhuri.

““Zonja Bajrami e ka ndjerë si përgjegjësi morale veprimin e saj, por nuk pajtohem që komunikimi të bëhet në këtë mënyrë. Nuk mund t’i kërkosh dorëheqje dikujt kur kryetari Lumir Abdixhiku e ka ofruar vetë atë.””

Ai shtoi se nuk pajtohet me idenë që përgjegjësia për humbjen zgjedhore t’i faturohet individëve të caktuar.

““Nuk pajtohem me interpretime të tilla, sepse përgjegjësia për rezultatin e zgjedhjeve nuk është individuale, por kolektive.””

Ky opinion vjen në mes të debateve të brendshme në LDK pas zgjedhjeve të fundit, ku partia ka pasur rezultate më të dobëta se pritshmëritë, duke çuar në ofertën e dorëheqjes nga ana e kryetarit Lumir Abdixhiku.

Burimi: Indeks Online