PËRDITËSIM: Ivanka Trump ndan fotot nga Zvërneci me këngën shqiptare 'Luleborë'

Zvërneci dhe bregdeti i Vlorës kanë marrë vëmendje ndërkombëtare ditët e fundit, pasi Ivanka Trump ka zgjedhur t’i ndajë me ndjekësit e saj në rrjetet sociale.

Vajza e presidentit amerikan ka publikuar pamje nga natyra e jugut të Shqipërisë, ku deti, gjelbërimi dhe qetësia e zonës krijojnë një tablo mbresëlënëse. Në videot dhe fotot e shpërndara, dallohet nga larg edhe ishulli i Sazanit, ndërsa gjithçka shoqërohet nga tingujt e këngës shqiptare “Luleborë”, që i jep një nuancë autentike gjithë përvojës.

Ivanka Trump qëndroi për tre ditë në Vlorë, ku vizitoi Zvërnecin bashkë me Jared Kushner për të diskutuar investime në Sazan. Vizita e saj u mbyll me një takim zyrtar në Tiranë me kryeministrin Edi Rama në Kryeministri.

Burimi: Telegrafi.com