PËRDITËSIM: Rinumërimi arrin në 62%, përfundon në 23 komuna – hetime për manipulime masive votash

Procesi i rinumërimit të plotë të votave në Kosovë po shkon drejt fundit, ndërsa hetimet penale vazhdojnë për manipulime të rënda. Sipas KQZ-së, deri të dielën, 25 janar 2026 ora 10:00, janë rinumëruar 1,591 nga 2,557 vendvotime (mbi 62%), dhe procesi ka përfunduar në 23 komuna.

““Në QNR rinumërohen 1,591 nga 2,557 vendvotime, procesi përmbyllet plotësisht në 23 komuna. Nga fillimi i këtij procesi (e martë, 13 janar 2026, ora 18:00) dhe deri më tani (e diel, 25 janar 2026, ora 10:00) janë rinumëruar mbi 62% apo 1,591 nga 2,557 vendvotime””

Ajo që nisi si "gabime teknike" u zbulua si skemë masive manipulimi. Të dhënat tregojnë për mbi 50,000 vota të tjetërsuara, kryesisht mes kandidatëve të të njëjtit subjekt politik.

Prokuroria e Prizrenit ka arrestuar 109 persona, ndërsa gjykata ka caktuar paraburgim për 23 të dyshuar për falsifikim, ryshfet, kanosje dhe manipulime serioze.

““Dua ta bëj të qartë se këtu nuk bëhet fjalë për numërimin e votive te subjekteve politike më 28 dhjetor, por bëhet fjalë për manipulime Brenda llojit... Këtu nuk bëhet fjalë as për dhjetëra as për qindar, por për mijëra vota të manipuluara dhe falsifikuara””

Vonesat po rrezikojnë stabilitetin. Eugen Cakolli nga IDK paralajmëron se mos-certifikimi i rezultateve mund të çojë në zgjedhje të jashtëzakonshme për shkak të afateve kushtetuese për Presidentin.

““Rreziku është që të hyjmë në muajin shkurt ose mars pa pasur rezultate të certifikuara dhe kjo mund të na nxjerrë jashtë afatit për zgjedhjen e presidentit””

KQZ pret përmbylljen e plotë javën e ardhshme për certifikimin e rezultateve përfundimtare. Rezultatet live në platformën zyrtare: resultsparliamentary2025.kqz-ks.org (QNR > Rinumërim).