Lulzim Peci: Vjedhja e votave brenda partive ka tejkaluar “vjedhjen industriale” të 2010-ës

Drejtori ekzekutiv i Institutit për Kërkime Politike dhe Zhvillim Rajonal (KIPRED), Lulzim Peci, ka reaguar me shqetësim të thellë lidhur me zhvillimet e fundit në procesin zgjedhor të brendshëm të partive politike në Kosovë.

Peci deklaron se vjedhja e votave brenda partive ka tejkaluar madje edhe dimensionet e 'vjedhjes industriale' të regjistruar në zgjedhjet e vitit 2010. Ai thekson se ky fenomen alarmant po shfaqet pothuajse në çdo parti politike.

“"Çfarë ka ndodhë me vjedhjen e votave brenda partiake si po duket e ka kaluar dimensionin e «vjedhjes industriale» të vitit 2010, dhe atë secila parti! Diçka është e kalbur thellësisht në vendin tonë! Turp për ju që i përngjani xheparoshave që e keni bë përmes falsifikimit të vullnetit qytetar! Nuk e di se si mundeni me ju dalë përballë njerëzve të ndershëm të vendit tonë, të cilët e dhanë provimin qytetar të demokracisë më 28 dhjetor".”

Ky reagim vjen në një moment kur procesi i rinumërimit të votave në disa komuna ka nxjerrë në pah parregullsi të shumta, duke ngritur dyshime për integritetin e procesit zgjedhor.

Peci e cilëson situatën si një shenjë të thellë e kalbur të institucioneve politike dhe një kërcënim serioz për demokracinë dhe shtetin e së drejtës në Kosovë.

Ai i quan manipuluesit e votave 'xheparosha' dhe i fton organet kompetente të hetojnë këto parregullsi për të mbrojtur vullnetin e vërtetë të qytetarëve.