Manipulime me votat e kandidatëve: Cakolli pyet pse Prokuroria nuk nis hetimet

Procesi i rinumërimit të pjesshëm ka zbuluar manipulime të rënda me votat e kandidatëve për deputetë në zgjedhjet e fundit. Eugen Cakolli nga KDI ka pyetur ashpër Prokurorinë pse nuk ka nisur hetimet penale për këto parregullsi të dukshme.

"Ku është dhe çka po pret Prokuroria që nuk po nisë hetimet dhe ndjekjet penale për manipulimin e votave të kandidatëve – që në disa vendvotime e komuna kanë marrë përmasa industriale?!" - ka shkruar Cakolli në rrjetet sociale.

“Emrat e komisionerëve për secilën tavolinë numërimi në QKN dihen. Por këto manipulime nuk janë bërë krye në veti nga komisionerët. Dhjetëra e qindra vota të shtrembëruara në një vendvotim të vetëm, e mijëra në nivel komune – kryesisht për kandidatë të caktuar dhe në komunat e tyre – nuk janë as rastësi, as gabim njerëzor. Prandaj, përfshirja e kandidatëve të caktuar në këto skema është shumë e mundshme. Kështu që, hetimi, pashmangshëm duhet t’i përfshijë edhe ata.”

Kjo vjen pas dyshimesh të forta për manipulime të zbuluara në rinumërimin e pjesshëm, ku janë evidentuar dallime substanciale në vota, kryesisht në zonat ku vijnë kandidatët e partive kryesore.

Analisti Afrim Kasolli ka theksuar mungesën e demokracisë brenda partive, ndërsa Shkëlzen Maliqi dhe Zafir Berisha nga AAK kanë kërkuar përgjegjësi të plotë.

““Rinumërimi i disa vendvotime po e nxjerr në dritë arsyen se pse partitë politike në Kosovë nuk janë demokratike...””

““Shkarkim e përgjegjësi për të gjithë manipuluesit e votave””

““Vetëm duke i nxjerr përgjegjësit para drejtësisë mund të zhduket ky fenomen...””

Integriteti i procesit zgjedhor është i komprometuar, duke kërkuar veprim urgjent nga institucionet për të rikthyer besimin publik.