PËRDITËSIM: Prokurorja Pula takohet me zëvendësdrejtori i policisë për hetimet mbi mospërputhjet e votave

Sistemi Prokurorial i Kosovës ka intensifikuar hetimet për parregullsitë zgjedhore pas evidentimit të mospërputhjeve të votave gjatë numërimit brenda subjekteve politike në shumë komuna të Kosovës.

Koordinatorja nacionale për zgjedhje, prokuroreja Laura Pula, e shoqëruar nga menaxheri i projektit strategjik “Mbrojtja e votës”, Besim Kusari, u takua me zëvendësdrejtori i përgjithshëm të Policisë së Kosovës, kolonel Fehmi Hoti, dhe drejtorin e departamentit të rendit publik, nënkolonel Arbnesh Ajvazi.

“Temë e diskutimeve ishte fillimi i hetimeve paraprake lidhur me mospërputhjen e votave gjatë numërimit brenda subjekteve politike për deputet të Republikës së Kosovës.”

Pula informoi të pranishmit se ka kërkuar nga kryeprokurorët e prokurorive themelore që në komunat ku ka përfunduar rinumërimi, të grumbullojnë informacionet dhe provat për vepra penale të mundshme të lidhura me procesin zgjedhor.

Më tej, ajo theksoi se pas vendimit të KQZ-së për rinumërim të plotë në të gjitha komunat, Prokuroria do të vazhdojë grumbullimin e provave në nivel vendi.

“Policia e Kosovës ka kapacitete të mjaftueshme dhe do t’i shërbejë kërkesave të prokurorëve.”

Konteksti i hetimeve

Ky zhvillim vjen në vazhdimësi të evidentimeve të parregullësive në rinumërimin e votave në 914 vendvotime, ku KQZ vendosi rinumërim të plotë në 28 komuna. Prokuroria po monitoron nga jashtë procesin për të siguruar integritetin zgjedhor.

Prokuroria e Shtetit rithekson angazhimin për mbrojtjen e votës së lirë dhe hetimin e çdo rasti dyshimtar të falsifikimit.