PËRDITËSIM: Rinumërohen 1,423 nga 2,557 vendvotime – mbi 55% i përfunduar, hetime të reja në Prizren

Komisioni Qendror i Zgjedhjeve (KQZ) ka bërë të ditur se në Qendrën e Numërimit dhe Rezultateve (QNR) vazhdon numërimi i fletëvotimeve për 2,557 vendvotimet e përzgjedhura për rinumërim pas zgjedhjeve të 28 dhjetorit 2025.

Nga fillimi i procesit më 13 janar në orën 18:00 dhe deri më sot, 24 janar në orën 10:00, janë rinumëruar mbi 55% ose 1,423 nga 2,557 vendvotime.

““Në platformën e KQZ-së për rezultate https://resultsparliamentary2025.kqz-ks.org/, në hapësirën QNR > Rinumërim, do të paraqiten rezultatet pas numërimit të çdo vendvotimi””

Rezultatet mund t'i ndiqni në platformën zyrtare të KQZ-së.

Ndryshe, kryeprokurori i Prokurorisë Themelore në Prizren, Petrit Kryeziu, ka deklaruar se janë ndaluar 109 të dyshuar për manipulim votash nga zgjedhjet e parakohshme parlamentare të 28 dhjetorit 2025.

“Gjithsej 121 persona janë ftuar për intervistim, prej të cilëve disa nuk janë paraqitur, ndërsa një pjesë janë konstatuar si të pafajshëm. Veprimet janë ndërmarrë ndaj personave të identifikuar, ku shumica prej tyre janë komisionerë.”

Ky është zhvillim i rëndësishëm në hetimet për parregullsitë zgjedhore, kryesisht në Prizren ku janë raportuar dallime të mëdha pas rinumërimit.

Përditësime të mëparshme: Më 20 janar raportohej 52% (1.342 vendvotime) në 21 komuna. Procesi po ecën drejt përfundimit.