Në QNR rinumërohen mbi 17% e vendvotimeve ku u hasën parregullsi
Procesi i rinumërimit të votave vazhdon në Qendren e Numërimit dhe Rezultateve (QNR). Derisa deri më tani janë rinumëruar 158 nga 914 vendvotime me parregullsi, rezultatet mund t'i ndiqni në platformën zyrtare të KQZ-së: https://resultsparliamentary2025.kqz-ks.org/.
Në QNR rinumërohen mbi 17% e vendvotimeve ku u hasën parregullsi
Procesi i rinumërimit të fletëvotimeve po vazhdon në Qendrën e Numërimit dhe Rezultateve (QNR), sipas vendimit të Komisionit Qendror të Zgjedhjeve (KQZ).
Nga fillimi i këtij procesi më 13 janar 2026 në orën 18:00 dhe deri më 15 janar 2026 në orën 16:00, janë rinumëruar 158 nga 914 vendvotime ku u konstatuan parregullsi. Këto vendvotime i takojnë komuna të ndryshme, si:
- Deçan (5)
- Gjakovë (15)
- Gllogoc (7)
- Gjilan (13)
- Dragash (57)
- Istog (6)
- Kaçanik (44)
- Klinë (5)
- Fushë Kosovë (3)
- Mitrovicë e Jugut (3)
Rezultatet e rinumërimit do të publiken në platformën e KQZ-së: resultsparliamentary2025.kqz-ks.org, në seksionin QNR > Rinumërim, pas përfundimit të numërimit të çdo vendvotimi.
Sipas vendimit të KQZ-së, në 10 komuna do të rinumërohen 100% e vendvotimeve: Dragash, Kaçanik, Leshpoaviq, Prizren, Skënderaj, Shtime, Ferizaj, Vushtrri, Mamushë dhe Ranillug.
- Ndërkaq, në 28 komuna të tjera do të rinumërohen 10% e vendvotimeve: Deçan, Gjakovë, Gllogoc, Gjilan, Istog, Klinë, Fushë Kosovë, Kamenicë, Mitrovicë e Jugut, Lipjan, Novobërdë, Obiliq, Rahovec, Pejë, Podujevë, Prishtinë, Shtërpcë, Suharekë, Viti, Zubin Potok, Zveçan, Malishevë, Junik, Hani i Elezit, Graçanicë, Partesh, Kllokot dhe Mitrovicë e Veriut.
Ky proces synon të sigurojë saktësinë e rezultateve të zgjedhjeve parlamentare të vitit 2025.
/Burimi: Telegrafi/