Shtëpia e Bardhë: Trump i qartë se dëshiron ta marrë Grenlandën – Bisedime produktive me Danimarkën

Zëdhënësja e Shtëpisë së Bardhë, Karoline Leavitt, ka deklaruar se takimi midis ministrave të jashtëm të Danimarkës dhe Grenlandës me zëvendëspresidentin amerikan JD Vance dhe Sekretarin e Shtetit Marco Rubio ka qenë "produktiv".

"Ishte një takim i mirë, të dyja palët ranë dakord të krijojnë një grup pune me individë që do të vazhdojnë të zhvillojnë bisedime teknike mbi blerjen e Grenlandës", u shpreh ajo.

“"Më është thënë se këto bisedime do të zhvillohen çdo dy deri në tre javë."”

Leavitt theksoi se administrata Trump synon të vazhdojë bisedimet me danezët dhe delegacionin grenlandez. "Presidenti e ka bërë mjaft të qartë përparësinë e tij, ai dëshiron që Shtetet e Bashkuara ta marrin Grenlandën, ai mendon se është më mirë për sigurinë kombëtare ta bëjnë këtë."

Ajo shtoi se dërgimi i trupave nga vendet evropiane në Grenlandë nuk do të ndikojë në vendimin e Trumpit për blerjen e këtij territori strategjik arktik.

“"Kjo është një bisedë që administrata synon ta vazhdojë me danezët dhe me delegacionin përkatës nga Grenlanda."”

Interesi i SHBA-së për Grenlandën ka qenë i vazhdueshëm, veçanërisht nën administratën Trump, për rëndësinë gjeostrategjike të ishullit në Arktik kundër ndikimit rus dhe kinez.