Arrestohet pas tre muajsh 19-vjeçari i dyshuar për grabitje në Prishtinë

Policia e Kosovës ka arrestuar sot një 19-vjeçar në Prishtinë, nën dyshimin se ka kryer veprën penale “grabitja”.

I dyshuari me inicialet A.Sh., sipas të dhënave të policisë, ka kryer këtë vepër më 10 nëntor 2024 në rrugën “Halil Alidemaj” të Prishtinës.

Me vendim të prokurorit të shtetit, i dyshuari është dërguar në mbajtje në duart e policisë.

Ndërkohë, hetuesit po punojnë intensivisht për identifikimin dhe arrestimin e dy personave të tjerë të dyshuar për të njëjtin rast penal.

Ngjarja ka ndodhur para tre muajsh dhe autoritetet kanë vazhduar hetimet deri në kapjen e të dyshuarit kryesor.