Bedri Hamza takohet me kryetarët e degëve të PDK-së: Partia hyn në një fazë të re riorganizimi

Kryetari i Partisë Demokratike të Kosovës (PDK), Bedri Hamza, ka zhvilluar një takim me kryetarët e degëve të kësaj partie politike. Gjatë takimit është diskutuar për zhvillimin e zgjedhjeve të brendshme si hap i rëndësishëm për forcimin e strukturës së partisë.

Hamza ka theksuar se PDK-ja po hyn në një fazë të re të riorganizimit. Ai ka shpjeguar se ky proces është i domosdoshëm për të bërë partinë më të fortë, më të hapur dhe më të organizuar.

““PDK-ja po hyn në një fazë të re riorganizimi. Zgjedhjet e brendshme, për të cilat sot diskutova edhe me kryetarët e degëve, janë hap i domosdoshëm për forcimin e PDK-së. Ne synojmë më shumë, sepse Kosova ka nevojë për më shumë. Ka nevojë edhe për një PDK më të fortë, më të hapur dhe më të organizuar. Kjo kërkon punë të vazhdueshme, degë aktive dhe hapësirë më të madhe për të rinjtë, në çdo nivel të partisë. Kjo është rruga për një PDK më afër qytetarëve dhe gjithnjë në shërbim të Kosovës””

Ky zhvillim vjen në kontekstin e përpjekjeve të PDK-së për të përforcuar strukturën e saj pas zgjedhjeve të fundit parlamentare, ku partia ka siguruar 22 ulëse në Kuvendin e Kosovës.